Установа культуры «Магілёўскі абласны краязнаўчы музей імя Е.Р. Раманава»

Магілёўскі абласны краязнаўчы музей імя Е.Р. Раманава заснаваны ў 1867. У 2005 г. музею нададзена імя вядомага беларускага этнографа. Сучасныя экспазіцыі музея створаны ў 1990-1997 гг. Асноўны фонд музея на 01.01.2012 г. налічваў 130147 адзінак захоўвання. Сярод экспанатаў - берасцяная грамата XIII ст., калекцыі зброі XIV-XIX стст., нумізматыкі, кніг Магілёўскай друкарні, абразоў XVII-XVIII стст. У музеі дзейнічаюць 4 экспазіцыі, размешчаныя ў 18 залах. Экспазіцыя "Прырода краю" прысвечана прыродзеўсходняй часткі Беларусі. Экспазіцыя "Археалогія і старажытная гісторыя" паказвае помнікі розных эпох ад палеаліту да сярэднявечча. У экспазіцыі "Гісторыя дасавецкага часу" ў храналагічнай паслядоўнасці з IX ст. па 1917 год паказаны асноўныя гістарычныя перыяды жыцця насельніцтва Падняпроўя. Экспазіцыя "Гісторыя савецкага перыяду 1917-1945 гг." прадстаўляе дакументы, фотаматэрыялы, зброю, узнагароды, асабістыя рэчы ўдзельнікаў вайны. Рэгулярна праводзяцца навуковыя археалагічныя і этнаграфічныя экспедыцыі, вядзецца даследчая работа па вывучэнні гісторыі рэгіёна, наладжваюцца навукова-практычныя канферэнцыі, па выніках якіх выдадзена больш за 20 зборнікаў. Музей з'яўляецца метадычным і навукова-экспазіцыйным цэнтрам. Музей мае філіял - музей этнаграфіі з экспазіцыямі "Зямлі роднай кругавод" і "Магілёў губернскі".


Першы нацыянальны форум "Музеі Беларусі". Каталог музеяў. Міністэрства культуры Рэспублікі Беларусь, 2012.

Дадатковыя крыніцы аб музеі:

Магілёўскі абласны краязнаўчы музей імя Е.Р. Раманава. Ekskursii.by
Магілёўскі абласны краязнаўчы музей імя Е.Р. Раманава. Музеи Беларуси вместе с Белкарт